Елбасының 22 жыл бұрынғы сұхбатынан үзінді жарияланды

  Қазақстан Республикасы Президенті Телерадиокешенінің Фейсбуктегі парақшасында Елбасы Нұрсұлтан Назарбаевтың 1996 жылы берген сұхбатынан видеоүзінді жарияланды, деп хабарлайды ҚазАқпарат тілшісі.

Осыдан 22 жыл бұрын берілген сұхбатында Мемлекет басшысы композитор Еркеғали Рахмедиевпен кездескенін еске алады.

«Еліміздің белгілі композиторы Еркеғали Рахмедиевпен кездесіп едім. Балқаштың жағасына келіпті. Сол кісі айтады: «Балқаштың көлі жел шығыстан соқса да толқынданады, батыстан соқса да толқынданады, солтүстіктен, оңтүстіктен соқса да - бәрібір толқын көтеріледі екен. Мен де сол сияқты. Қай жерде, қай жақта жағдай нашар болса, қандай да кемшілік болса баяғы халықтың түсінігімен барлығында әйтеуір Президент бар. «Сол көріп отыр ма екен, білмей отыр ма екен, не қылып отыр екен» деп ойлайды. Мен осылардың барлығына қарап отырмасам, не бағып отырмын? Күндіз-түні ойлайтын жағдай», - дейді Президент.

 

Саясат 25 маусым 2018 г. 164 0